រថយន្តស៊ាំយ៉ុង(តួរីស)បានបុកអ្នកជិះម៉ូតូបណ្តាលរបួសធ្ងន់បាក់ជើងឆ្វេងនិងបែកក្បាលនៅក្រុងសិរីសោភ័ណ
14-November-2017 | ដោយ ពលមនសិការ
បន្ទាយមានជ័យ ៖ រថយន្តស៊ាំយ៉ុង(តួរីស) បានបុកអ្នកជិះម៉ូតូបណ្តាលរបួសធ្ងន់បាក់ជើងឆ្វេងនិងបែកក្បាលដែលកើតឡើងនៅម៉ោង០៧និង១០នាទីយប់ថ្ងៃទី១២ ខែវិច្ឆិកា ឆ្នាំ២០១៧ នៅតាមណ្តោយផ្លូវជាតិលេខ៦ ស្ថិតភូមិមួយ សង្កាត់ព្រះពន្លា ក្រុងសិរីសោភ័ណ។
ជនរងគ្រោះឈ្មោះ ហឿន សុភាព ភេទប្រុស អាយុ២៣ឆ្នាំ រស់នៅភូមិគោរដ្ឋានសង្កាត់អូរអំបិល ក្រុងសិរីសោភ័ណ។
អ្នកឃើញហេតុការបានប្រាប់ថា នៅពេលដែលគ្រោះថ្នាក់ចរាចរណ៍កើតឡើងគឺមានរថយន្តម៉ាក់ស៊ាំយ៉ុង១គ្រឿង ពាក់ស្លាក់លេខ ភ្នំពេញ2V-8478 ដែលអ្នកបើកគេចខ្លួនមិនបានស្គាល់ឈ្មោះបានបើកបរទិសដៅពីកើតទៅលិចក្នុងល្បឿនលឿនបានទៅបុកជនរងគ្រោះជិះម៉ូតូហុងដាឌ្រីម ដែលពាក់ស្លាក់លេខ បន្ទាយមានជ័យ1C-3623 ដែលបើកបរបញ្ច្រាសទិសគ្នាបុកពេញទំហឹងបណ្តាលជនរងឈ្មោះ ហឿន សុភាព របួសធ្ងន់បាក់ជើងខាងឆ្វេង និងបែកក្បាលត្រូវបានសង្គ្រោះបន្ទាន់ចំណែកអ្នកបើកបរបានបើកទ្វាររថយន្តគេចខ្លួនបាត់។
ក្រោយពេលគ្រោះថ្នាក់ចរាចរណ៍កើតឡើងឃើញមន្ត្រីនគរបាលចរាចរណ៍ក្រុងសិរីសោភ័ណចុះមកពិនិត្យបានប្រាប់ថា៖មូលហេតុគ្រោះកើតឡើងគឺបណ្តាលមកពីអ្នកបើកបររថយន្តបើកបរលឿនហើយគ្មានការប្រុងប្រយ័ត្នបានបុកអ្នកជិះម៉ូតូពេញទំហឹងបណ្តាលរបួសធ្ងន់ហើយម្ចាស់រថយន្តបើកទ្វាររថយន្តគេចខ្លួនបាត់ចំណែកថយន្តដែលបង្កនិងម៉ូតូរងគ្រោះត្រូវបានយកទៅរក្សាទុកអធិការនគរបាលក្រុងសិរីសោភ័ណអនុវត្តតាមច្បាប់ ៕
ចំនួនអ្នកទស្សនា
- ថ្ងៃនេះ781
- ម្សិលមិញ10851
- សប្តាហ៍នេះ67301
- ខែនេះ182451
- ឆ្នាំនេះ182451
- សរុប20624907